No er vi nett kome heim att frå ein grådig kjekk heimeleir på bedehuset. Ein haug med born og ikkje så få voksne har vore innom i løpet av helga og vi har hatt det veldig artig i lag. Så no tenkte vi å nytta høvet til å legga ut ein liten rapport og litt bilder frå leiren og i tillegg skriva litt om kva som skjer i bedehuset i haust.

Etter vinterens ungdomsmøtehelg var steminga klar: Dette må vi gjere igjen!
Og det gjer vi! Helga 7. - 9. november arrangerast haustens ungdomsmøtehelg i Kyrkjekrinsen bedehus i Åsane (rett ved Plantasjen).Tema denne gangen er "Å leve livet". Karen Sofie Romarheim vil utfordre oss til å leve livet vårt slik Gud har tenkt. Ikkje for hans beste nødvendigvis - men for vårt og andres beste! Ved å leve det livet Gud har tenkt for oss får vi ein spanande dimensjon inn i kristenlivet vårt

Det høyrest kanskje rart ut, men Søndagsskulen skal faktisk skifte dag! Dermed sikfter han óg navn og skal no heite Onsdagsklubben. Vi skal fortsatt bruke Søndagsskuleopplegget som heiter "Sprell levande", men skal altså frå no av samlast fast annankvar onsdagskveld frå kl. 17 til 18.15. Vi håpar vi får besøk av mange born som vil læra meir om Jesus! Noko anna som er nytt er at vi skal ha kveldsmat på slutten av kvar samling, så det vert veldig kjekt. Og ekstra kjekt er det jo dersom nokon foreldre óg tar turen innom!